Аҟәа. Ԥхынҷкәынмза 5, 2021 шықәса. Аҧсныпресс.  Иахьа  ашьыжьымҭан, асааҭ 10 рзы Ҭҟәарчал азааигәара ашьхара иаҧну аҵакыраҿы аҧсеиқәырхаҩцәа абҵарамза 30 раахыс  зыҧшаара иаҿу Бето Кәакәасқьыри иҧсыбаҩ  рбеит. Аҧшаарақәа Аҧсны иҷыдоу аҭагылазаашьақәа рзы Аминистрра аҧыҧшырҭа-еиқәырхаратә Отриад, аҧыҧшра-еиқәырхаратә хәҭа, аҭыҧантәи ауааҧсыра, иӡыз иуацәа, иҭахцәа, уҳәа рымчала хәымш имҩаҧысуан.