Аҟәа. Ԥхынҷкәынмза 13, 2021 шықәса. Аҧсныпресс. Аҧсны аҵарадырреи абызшәатә политикеи рминистр Инал Габлиа усуратә визитла Урыстәылатәи Атехнологиатә Унивверситет (МИРЭА) даҭааит,- ҳәа Аҧсныпресс акореспондент адырра иоуит Аминистрра апресс-маҵзура аҿы.
Аминистр ауниверситет астуденттә проектқәа дрыхәаҧшит иара убас Ахәыҷтәы технопарк «Альтаир» анџьныр қәыҧшцәа русумҭақәагьы гәеиҭеит.
Сара сгәаанагарала атехнологиатә парк аҿы аусура – адунеи аҿы зегьы раасҭа ихадоу акакәны иҟоуп. Араҟа аус руеит зыквалификациа ҳараку ауаа азыҟазҵо зеиӷьаҟам, аҟыбаҩ ду злоу аспециалистцәа. Ари аус дууп аҭакҧхықәрагьы дугьы ацуп», - ҳәа иазгәеиҭеит Инал Габлиа.
Ауниерситет апрезидент Алеқсандр Сергеи-иҧа Сигови, актәи апроректор Николаи Иван-иҧа Прокопови, аҵаратә усура азы апроректор Андреи Всеволод-иҧа Тимошенкои аректор иабжьгаҩ Владимир Лев-иҧа Панкови рҧыларан асасцәа аҩганктәи аусеицура аҧхьаҟатәи апланқәа ирылацәажәеит.
Аилацәажәара ахыркәшамҭаз Атехнологиатә Университет акорпусқәа зегьы рахь аекскурсиа мҩаҧган.