2020 шықәсазы рықәгыларақәа реихшьаалақәа рыла,  2021 шықәсазы аицлабрақәа рылахәхаразы иқәгылоу еизгоу акомандақәа ҩ-дивизионк рыла еихшан. Актәи адивизион иалалеит Азербаиџьан, Беларусиа, Венесуела, Виетнам, Ҟазахсҭан, Китаи, Монголиа, Урыстәыла, Сербиа, Шьамтәыла, Узбекисҭан рҟынтәи 11 команда. Аҩбатәи адивизион иалалеит Аԥсны, Катара, Киргизиа, Лаос, Миианм, Ҭадџьыкьысҭана, Аахыҵ Уаԥстәыла рҟынтәи акомандақәа.

Актәи адивизион ацәҭаԥсара аихшьаалақәа рыла «Аиндивидуалтә еиԥхныҩлара»  аҿы атанк иаҵәақәа рыла ааира аҿы иқәгылараны иҟоуп  Азербаиџьани Шьамтәылеи рҟынтәи еизгоу акомандақәа,    атанк ҟаԥшьқәа рыла – Китаи, Виетнам, Сербиа еизгоу акомандақәа,  ишьацԥштәылоу атанкқәа рыла еицлаблоит Урыстәыла, Ҟазахсҭан, Венесуела еизгоу акомандақәа, атанк ҩежьқәа рыла — Беларусиеи  Узбекисҭани еизгоу акомандақәа.

Аҩбатәи адивизион аҿы аиаҵәа танкқәа рыла иқәгылараны иҟоуп Аԥсни Малии еизгоу акомандақәа, атанк ҩежьқәа рыла – Киргизиеи Аахыҵ Уаԥстәылеи еизгоу акомандақәа,  атанк ҟаԥшьқәа рыла – Лаоси Катари еизгоу акомандақәа, ишьацԥштәылоу атанкқәа рыла – Тадџьикисҭани Миианми еизгоу акомандақәа.

Урыстәылатәи Афедерациа атәылахьчара аминистр Сергеи Шоигу  2021 шықәса нанҳәамза 22 инаркны  цәыббрамза 4 аҟынӡа  Жәларбжьаратәи Арратә хәмаррақәа «АрМИ-2021» рымҩаԥгара азы аӡбамҭа идикылеит. «АрМИ-2021» аусмҩаԥгатәқәеи Жәларбжьаратәи арра-техникатә форум «АРМИЯ-2021 аусмҩаԥгатәқәеи аполигон «Алабино», иара убас апарк «Патриот» аобиектқәа рҿы еицымҩаԥгахоит, ҳәа иаанацҳауеит атанктә биатлон Жәларбжьаратәи афедерациа аофициалтә саит.