Ари иуадаҩу аамҭазы аҳақьымцәеи амедицинатә персонали рзы аморалтә цхыраара акырӡа аҵанакуеит. Урҭ ауаажәларреи, ахәҭакахьала адепутатцәеи рҟынтәи адгылара шрымоу рныруазароуп. Ҳара ҳҳақьымцәа рҽазҵәылхны ааԥсарак ҟамҵакәа аус руеит, ауаа рыԥсҭазаарақәа еиқәдырхоит, убри аан рхаҭагьы ацхыраара рҭахуп. Иҭабуп ҳәа раҳәо урҭ агәабзиареи аизҳазыӷьареи аманшәалареи рзеиӷьасшьар сҭахуп. Ахәышәтәырҭа аҿы аҳауаҭышәныртәалагақәа рышьақәыргылара, маҷк иадамзаргьы аҳақьымцәа русушьа арманшәалап, урҭ рпациентцәа рыхәшәтәраан хра злоу цхыраагӡаны иҟалап ҳәа агәыӷра сымоуп, - ҳәа инаҵшьны иазгәеиҭеит Ақалақьтә Еизара ахантәаҩы Иракли Харчлаа.