Аибашьра зхы ақәызҵаз афырхацәа ҳаҭырла иргәаладыршәарц азы арахь имҩахыҵит Аҳәынҭқарра Ахада Аслан Бжьаниа, Жәлар Реизара-Апарламент Аиҳабы Валери Кәарҷиа, Аԥыза-министр Алеқсандр Анқәаб, Жәлар Реизара-Апарламент адепутатцәа, атәыла Анапхгара алахәылацәа, ауаажәларра рхаҭарнакцәа, ақалақь ауааԥсыра, аветеранцәа, иҭахаз рыуацәеи рҭынхацәеи.
АТӘЫЛА АНАПХГАРА АИБАШЬРА АҾЫ ИҬАХАЗ ҲАҬЫРЛА ИРГӘАЛАДЫРШӘЕИТ.
Ашәахьа, 27 Цәыббра 2021 15:20
226
Аҟәа. Цәыббрамза 27, 2021. Аԥсныпресс. Иахьа Аԥсны Аҳәынҭқарра аҳҭнықалақь Аҟәа Қырҭтәыла аҳәынҭсовет архәҭақәа рҟынтәи ахақәиҭтәра ҟалеижьҭеи 28 шықәса аҵра амш азгәарҭоит.
Ахьӡ-Аԥша апарк аҿы 1992-1993 шш. Аԥсны Аџьынџьтәылатәи еибашьра аҿы иҭахаз Рмемориал амҵан ашәҭ шьыҵәрақәа рышьҭаҵара ацеремониа мҩаԥысит.