Апленартә еилатәара аҿы ирыԥхьеит актуалра злоу атемақәа – «Урыстәылатәи Афедерациа аҿы ахирургиатә цхыраара аиҿкаара», «Урыстәыла аендоскопиатә хирургиа ҳаамҭазтәи ҭагылазаашьа», «Урыстәылатәи Афедерациа аҿы агәы-шьадатә хирургиа аҿиара аперспективақәа», «Урыстәыла иааиԥмырҟьаӡакәа амедицинатә ҵарадырра асистема аҿиара», «Ацхыраара ласы ахирургиа –алабҿабара (ареалра), аҩашьара, азыԥшрақәа», «Аонкологиа аҿиара аҿы зҽызыԥсахуа ахирургиа ароль», «Ахырхарҭа рацәа иақәшәо аклиника ақалақь ду аҿы  ахирургиатә цхыраара амаҵзура аҿиара аплацдарм аҳасабала», «Ҳаамҭазтәи аҭагылазаашьақәа рҿы ахирургиатә цхыраара ашәарҭадара аиқәыршәара», уҳәа рыла иарбоу аусхкы аҿы зыхьӡ нагоу аспециалистцәа ражәахәқәа.

Аусмҩаԥгатә аҿы акоронавирустә ҿкы чымазара апандемиа аҭагылазаашьа аҟны ахирургцәа русура азҵаарақәеи, иара убас азеиԥш ковид-ҟәшақәа раҳасабала аформа ҿыц зауз ахирургиатә ҟәшақәа русуреи ҷыдала ахшыҩзышьҭра аҭан.

«Апрограмматә ажәақәқәа рнаҩсгьы апланла иазԥхьагәаҭоу еиԥш, аекстремалтә хирургиатә цхыраара еиуеиԥшым ахырхарҭақәа рыла асекциатә ажәахәқәагьы ирзыӡырҩит. Урҭ зегьы анаукатә адагьы апрактикатә интересгьы аҵоуп», - ҳәа иҳәеит Виачеслав Абыхәба.