Аԥсны Аҳәынҭқарра иҷыдоу аҭагылазаашьақәа рзы Аминистрра Аԥсны атәылауааи асасцәеи рахь ааԥхьара ҟанаҵоит аӡытә обиектқәа рҿы аҽыкәабараан ршәарҭадара азы агәҽанызаара аадырԥшларц.
Аҟәа. Цәыббрамза 28, 2021 шықәса. Аԥсныпресс. Аԥсны Аҳәынҭқарра иҷыдоу аҭагылазаашьақәа рзы Аминистрра ауааԥсыра рахь адырра ҟанаҵоит иахьатәи амш инаркны официалла ишаркхо аҽыкәабаратә сазон.
Аԥсеиқәырхаратә ԥыԥшырҭақәа русура аанкылахоит, ақалақьтә ӡҭаларҭақәа рҟынтәи ахьчаратә ӡҳәаарбагақәа ықәгахоит.