Ахҭыс ахьыҟалаз аҭыԥ агәаҭараан амилициа аусзуҩцәа ақьафурҭа «Rina» аҩналарҭа аҿы зыхҭаларшә 9 мм рҟынӡа инаӡо излахысхьоу апатронқәа рџьазцәақәа 5 рыԥшааит. Аԥшаҳәа азааигәара Коӷониа имҩаду аҿы зыхҭаларшә 9х19 мм рҟынӡа инаӡо атапанча «Glock», зыхҭаларшә 9 мм рҟынӡа инаӡо апатронқәа ԥшьба ацны ирыԥшааит. Иарбоу абџьар, апатронақәа, апатронақәа рџьазцәақәа, аусеилыргаҩи ашаҳаҭцәа раҳасабала ааԥхьара зауз ауааи алархәны ақьаад иалху аконверт шкәакәа иҭаԥсаны, «Аҟәа ақалақь ала аҩныҵҟатәи аусқәа Русбарҭа ахьчра Амаҵзура» ҳәа аҩыра зну амастикатә мҳәыр аарханы ишьҭыхын. Аконверт аусеилыргаҩи ашаҳаҭцәа раҳасабала ааԥхьара зауз атәылауааи рнапынҵақәа рыла ирҵабыргуп.
Аԥсны аҩныҵҟатәи аусқәа Рминистрра ауаажәларратә шәарҭадара Аусбарҭа аҟынтәи иаашьҭыз аҭак ала, асистема «Glock» иаҵанакуа атапанча ҿҳәарада Кокаиа Гарри Гурам-иԥа ихьӡала хәажәкырамза 5, 2020 шықәса рзы ашәҟәы иҭагалан.