Аҟәа. Жьҭаарамза 18, 2021 шықәса. Аԥсныпресс. Жьҭаарамза 11 – 17 рзы Гагра ақалақь аҿы имҩаԥысуан атурнир «Ахьтәы ҭагалан». Уи рхы аладырхәит Урыстәылеи Аԥсни рҟынтәи 30-ҩык инарзынаԥшуа аԥкьаҭмпыласыҩцәа, ҳәа иаанацҳауеит Аԥсны Аҳәынҭқарра аспорт азы аҳәынҭқарратә Еилакы.
9 шықәса рҟынтәи 10 шықәсанӡа зхыҵуа ақәратә категориа иаҵанакуа Аԥснытәи арԥарцәа рыбжьара актәи аҭыԥ ааникылеит Сабри Нанба (азыҟаҵаҩ Елизабет Акәыциа), ахԥатәи - Алеқсандр Ешба (азыҟаҵаҩцәа - Родион Беииа, Саид Бебиа); аҭыԥҳацәа рыбжьара ахԥатәи аҭыԥ анылкылеит Даниелла Гәымба (азыҟаҵаҩ Елизабет Акәыциа).
15 шықәса рҟынӡа зхыҵуа ақәратә категориа иаҵанакуа арԥарцәа рыбжьара актәи аҭыԥ ааникылеит Асҭамыр Кациа (азыҟаҵаҩ Артур Татевосиан); аҭыԥҳацәа рыбжьара актәи аҭыԥ аанылкылеит Алла Траиста (азыҟаҵаҩцәа Саид Бебиа, Родион Беииа), аҩбатәи аҭыԥ аанылкылеит Софиа Агәмаа (азыҟаҵаҩ Елизабет Акәыциа).
Аиааира згаз ахраҿақәа, амедалқәа, зыхә дуу ақьаадқәа ранашьахеит.
Аӡбаҩ хада - Аԥсны Аҳәынҭқарра аспорт азҟаза, актәи урыстәылазегьтәи акатегориа РТТ аӡбаҩ Саид Бебиа.
Атурнир аиҿкааҩ – Гагра араион Ахадара абҩарҵәыреи аспорти аҽар рызҵаарақәеи рзы Аилак.