Жьҭаарамза 20 рзы Ҟарачы-Черкессиатәи Ареспублика Апарламент аҿы Валари Кәарҷиеи Ҟарачы-Черкессиатәи Ареспублика Апарламент Ахантәаҩы актәи ихаҭыԥуаҩ Дагир Смакуеви гәыԥҩык адепутатцәеи реиԥылара мҩаԥысит.
Аиԥылара иалахәыз азакәанԥҵаратә усхкы аҿы апарламентбжьаратәи усеицура азҵаарақәа ирылацәажәеит. Аԥсни Ҟарачы-Черкессиатәи Ареспубликеи рыбжьара аусеицура хадара злоу ахырхарҭақәа раҳасабала аҵарадырра, атуризм, ақыҭнхамҩа аусхкқәа алкаан.
Аиԥылара аҿы Аԥсны Аҳәынҭқарреи Ҟарачы-Черкессиатәи Ареспбликеи иреиҳаӡоу азакәанԥҵаратәи усбарҭақәа рпарламенттә еилакқәа рыбжьара аусеицура иалацәажәан.
Аԥснытәи аделегациа аофициалтә визит апрограмма аҿы иалоуп ауаажәларра рԥылара, аветеранцәа Рхеилак, ауаажәларратә еиҿкаара «Алашара» аҿы аиԥыларақәа рымҩаԥгара, иара убас Аԥсны Жәлар Реизара - Апарламент Аиҳабы, афилологиатә наукақәа рдоктор Валери Кәарҷиа иусумҭақәа реизга аӡыргара.