Кәҭарба Б.В. иганахьала иарбоу ашьаусеилыргара аҳәаақәа ирҭагӡаны хәажәкыра 25,  2001 шықәсазы Аԥсны Ашьаустә закәанеидкыла (1993 шықәсазы иҟаҵаз аредакциа ала) ахәҭаҷ  133, ахәҭа 2, апунктқәа 1 -2, ахәҭаҷ  243 ахәҭа 2, ахәҭаҷ  209 ахәҭа 3, ахәҭаҷ 238 ахәҭақәа 1 – 2 инарықәыршәаны  ахара зду иаҳасабала ахьырхәра иақәыршәаразы Ақәҵара рыдыркылеит.

Жьҭаарамза 17, 2021 шықәсазы Аҟәа ақалақь аҩныҵҟатәи аусқәа Русбарҭа аусзуҩцәеи аҩныҵҟатәи аусқәа Рминистрра Ашьаусԥшааратә Усбарҭа аусзуҩцәеи ироуз аоперативтә информациа рхы иархәаны  дааныркылеит Беслан Кәҭарба.

Уажәы Гәылрыԥшь арион апрокуратура иарбоу ашьаус ала ихымԥадатәиу ашьаусмҩаԥгаратә уснагӡатәқәа мҩаԥнагоит. Беслан Кәҭарба аҩныҵҟатәи аусқәа Рыҟәша аамҭалатәи аԥхьакырҭа ахь днагоуп.