Поиск по слову

Календарь

« Жьҭаара 2024 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
АЖӘАБЖЬҚӘА

АҞӘАТӘИ АСПОРТСМЕНЦӘА РОСТОВ-НА ДОНУ ИМҨАԤЫСУАЗ АКИКБОКСИНГ АЗЫ АИЦЛАБРАҚӘА РҾЫ АԤХЬАХӘТӘ ҬЫԤҚӘА ААНЫРКЫЛЕИТ.

Ашәахьа, 25 Жьҭаара 2021 15:20 244

Аҟәа. Жьҭаарамза 25, 2021 шықәса. Аԥсныпресс. Аҟәатәи аспортсменцәа жьҭаарамза 21 инаркны 25-нӡа Ростов-на Дону  ақалақь аҿы имҩаԥысуаз акикбоксинг азы BJJ LIGA DE LUTA аконфедерациа ачемпионат аҿы аԥхьахәтә ҭыԥқәа ааныркылеит.

Атурнир рхы аладырхәит  Урыстәыла, Украина, Ҭадџьикисҭан рҟынтәи 600-ҩык инареиҳаны  аспортсменцәа.

Аиндаҭларақәа реихшьаалақәа рыла, Баграҭ Багаҭелиа 70 кьыла рҟынӡа инаӡо акапантә категориа иаҵанакуа рыбжьара актәи аҭыԥ ааникылеит. Аспортсмен қәҿиарала х-еиндаҭларак мҩаԥигеит.

Тамерлан Аҭәмаа 60 кьыла рҟынӡа инаӡо акапантә категориа иаҵанакуа рыбжьара аҩбатәи аҭыԥ ааникылеит. Уи иааирала ҩ-еиндаҭларак мҩаԥигеит, афинал аҟынӡа днаӡеит, аҩбатәи аҭыԥгьы ааникылеит.

Аспортсменцәа азыҟарҵоит Т. Аҭәмааи А. Кәыҵниеи.     

 

 

Last modified on Аҩаша, 26 Жьҭаара 2021 15:11
« АҲӘЫНҬҚАРРА АХАДА УСУРАТӘ ВИЗИТЛА МОСКВАҞА ДЦЕИТ. АԤСНЫ ҬАГАЛАНТӘИ АԤСШЬАРАМШҚӘА МЧЫБЖЬЫК ИРҬАГӠАХОИТ. »
Хыхь