Аҟәа. Жьҭаарамза 25, 2021 шықәса. Аԥсныпресс. 2021 шықәса ажьырныҳәамза инаркны цәыббрамзанӡа Аԥсны иит 1000 –ҩык ахәыҷқәа, урҭ рахьынтә 5 ҩык иԥсны ииз ахәыҷқәа роуп, – ҳәа адырра ҟарҵоит Аԥсны Аҳәынҭқарра агәабзиарахьчара Аминистрра аҿы.
475 – ҩык ӡӷабцәоуп, 525 – ҩык ҷкәынцәоуп.
Ашықәс алагара инаркны ииз ахәыҷқәа рҟынтәи 622-ҩык аԥсыуаауп, 118 – ерманцәоуп, 123 –ҩык – ақырҭцәоуп, 76 - ҩык – урысцәоуп, 61 –ҩык – егьырҭ амилаҭқәа иреиуоуп.
2020 – тәи ашықәс аиԥ-зеиԥшу аамҭахәҭа азы иит 1120-ҩык ахәыҷқәа, урҭ рахьынтә 7-ҩык иԥсны ииз роуп. 2020 шықәса ажьырныҳәамза инаркны цәыббрамзанӡа Аԥсны иит 583 - ҩык аҷкәынцәа, 537
-ҩык аӡӷабцәа. 2020 шықәса 9 мыз рыла ииз 712 -ҩык ахәыҷқәа милаҭла иаԥсыуаауп, 144-ҩык ерманцәоуп, 106 –ҩык ақырҭцәоуп, 99-ҩык урысцәоуп, 59 – ҩык егьырҭ амилаҭқәа иреиуоуп.