Асасцәа бзиала шәаабеит ҳәа раҳәо, Аԥсны акультура аминистр Гәыдиса Агрба ас еиԥш аиԥыларақәа ирыҵоу аҵакы ду азгәеиҭеит: «Ҳаҭыр зқәу Зураб Замир-иԥа, ҳаҭыр ду зқәу асасцәа, ҳара Аԥсны шәбара гәахәара дула иҳадаҳкылоит. Аҭоурыхтә культуратә диалог аҩганктәи аизыҟазаашьақәа хра злоу рыҿиара азы шьаҭа ӷәӷәаны иҟоуп. Ҳреспубликақәа рыбжьара акультуратә еимадара акрызхыҵуа аҭоурыхтә ԥышәа ду, аиҩызара иаша, доуҳала аизааигәара ала ишьаҭаркуп.  Агәра ганы сыҟоуп 2022 шықәазы ҳара иазԥхьагәаҭаны иҳамоу аусмҩаԥгатәқәа зегьы рынагӡара ҳалшап ҳәа».

Ахәҭакахьала, Зураб Агирбов аминистр иҟаиҵаз адгылара азы иҭабуп ҳәа еиҳәеит, аринахысгьы хра злоу аусеицуразы агәыӷра шимоу ааирԥшит.  

«Гәыдиса Едуард-иԥа, иҟашәҵаз адкылара азы иҭабуп ҳәа шәасҳәарц сҭахуп. Агәыӷра сымоуп ҳусеицура аринахысгьы иаҳа-иаҳа ишыӷәӷәахо, ҳарҿиаратә коллективқәа реимадара аҳәаа шыҭбаахо, аԥышәаеимадара шрыбжьало», ҳәа иҳәеит Ҟарачы-Черкессиатәи Ареспублика акультура аминистр Зураб Агирбов .