Поиск по слову

Календарь

« Жьҭаара 2024 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
АЖӘАБЖЬҚӘА

Аҳәынҭкомитети ашьапылампылтә академиеи “Зенит” Аҧсны ахәыҷтәы-қәыҧштә зыҟаҵаҩцәа рзы аонлаин-курсқәа еиҿыркаауеит.

Ахәаша, 04 Цәыббра 2020 15:53 537
Аҳәынҭкомитети ашьапылампылтә академиеи “Зенит” Аҧсны ахәыҷтәы-қәыҧштә зыҟаҵаҩцәа рзы аонлаин-курсқәа еиҿыркаауеит.

Аҟәа. Цәыббрамза 4. Аҧсныпресс.  Аҧсны аҿари аспорти рызҵаарақәа рзы аҳәынҭқарратә Еилакы ашьапылампыл азы ахәыҷтәы-қәыҧштә зыҟаҵаҩцәа рзы категориа “D” иаҵанакуа  аонлаин-курсқәа еиҿнакаауеит, ҳәа адырра ҟанаҵоит Аҧсны аҿари аспорти рызҵаарақәа рзы Аҳәынҭқарратә Еилакы апресс-маҵзура.

 Ари апрограмма ашьапылампылтә академиа “Зенит” (ақ. Санкт-Петербург). ацхыраарала еиҿкаауп.

“Акурсқәа анхыркәшахалак ашьҭахь, азыҟаҵаҩцәа UEFA астандарт иақәшәо алицензиақәа рыҭахоит. Анаҩс ашьапылампылтә клуб “Зенит” Аҧсны ашьапылампылтә академиа аҿга аартра азҧхьагәаҭаны иамоуп”, - ҳәа адырра ҟаиҵеит Аҧсны аҿари аспорти рызҵаарақәа рзы Аҳәынҭқарратә Еилакы ахантәаҩы Џьемал Гәыбаз.

Азыҟаҵара иахысраны иҟоуп 27 - ҩык Аҧсны ақалақьқәеи араионқәеи рҿы ахәыҷқәа аус рыдызуло азыҟаҵаҩцәа. Азыҟаҵаҩцәа урыстәылатәи атәылауаҩра рымазар ахәҭоуп – уи аиқәшаҳаҭра абжьаҵара азы ихымҧадатәиуп.

Азыҟаҵара мҩаҧыслоит цәыббрамза 7 инаркны 18 рҟынӡа  Аҟәа ақалақь, И. Папасқьыр ихьӡ зху Амилаҭтә библиотека аҟны.

 

 

« Аҳәынҭқарра Ахада Аслан Бжьаниа аҵаҩцәеи, арҵаҩцәеи, аҭаацәеи аҵарашықәс ҿыц алагара рыдиныҳәалеит. Аҧсны аекономика Аминистрра аҿы атранспорттә усхкы иадҳәалоу азҵаарақәа рылацәажәара мҩаҧысит. »
Хыхь