Поиск по слову

Календарь

« Абҵара 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
АЖӘАБЖЬҚӘА

АЛЕҚСАНДР АНҚӘАБ Н.А.ЛАКОБА ИХЬӠ ЗХУ АМУЗЕИ АИҬАШЬАҚӘЫРГЫЛАРА АЗЫ АПРОЕКТ-ХАРЏЬЫНҴАТӘ ДОКУМЕНТАЦИА АИҚӘЫРШӘАРА ИАЗКУ АУСУРА АЛАГАРА АЗЫ АДҴА ҞАИҴЕИТ.

Аҩаша, 23 Абҵара 2021 15:36 166

Аҟәа. Абҵарамза 23, 2021 шықәса. Аҧсныпресс. Аҧсны аҧыза-министр Алеқсандр Анқәаб акультура аминистр Гәыдиса Агрбеи аҳәынҭқарратә Еилакы «Аҧсныргылара»  адиректор  Руслан Тәанбеи  алархәны  Аҳәынҭқарратә усбарҭа «Нестор Лакоба иҭоурых-мемориалтә музеи» аиҭашьақәыргылара азҵаарақәа ирызкыз аилацәажәара мҩаҧигеит, ҳәа иаанацҳауеит аминистрцәа Реилазаара апресс-маҵзура.

Аусуратә еиҧылара иалахәыз аҽазыҟаҵаратә етап хадара злоу ахыдҵақәа ирылацәажәеит. Аҧыза-министр амузеи ахыбра уажәтәи аҭагылазаашьа аексперттә хәшьара аҭареи уаанӡа ишьақәыргылаз ареконструкциа аплан актуалтәреи рзы анапынҵақәа ҟаиҵеит. Анаҩс атәыла Анапхгара аҿы апроект афинанстәра ахыҵхырҭа аҧшаара нап адыркуеит.

Алеқсандр Анқәаб иажәақәа рыла, ахыбра аиҭашьақәыргылареи аҩныҵҟа уи аиқәыршәареи амузеитә ус ҳаамҭазтәи анормақәа ирықәшәозароуп.

Н.А.Лакоба иҭоурых-мемориалтә музеи аҧҵан 1982 шықәсазы. 1983 шықәсазы аҧснытәи Анапхгара ахада диижьҭеи  90 - шықәса аҵра инамаданы аҭааҩцәа рзы иаартын. Амузеи нанҳәамза 1992 шықәсанӡа  аус ауан.

1992-1993 шш. Аџьынџьтәылатәи еибашьра аан амузеи ақырҭуа мпыҵахалаҩцәа рыла иблын, аекспонатқәа реиҳарак ықәхын. Амузеи архив 80% рҟынӡа (афотосахьақәа, адокументқәа, ашәҟәқәа, асаламшәҟәқәа, уҳәа) Аҧснытәи аҳәынҭқарратә музеи аҿы аиқәырхара алыршахеит. Ԥхынҷкәынмза 28, 2016 шықәсазы аминистрцәа Реилазаара аҿы Аҳәынҭқарратә усбарҭа «Н.А.Лакоба иҭоурых-мемориалтә музеи» аҧҵара азы Ақәҵара рыдыркылеит.

 

Last modified on Ашәахьа, 03 Ажьырныҳәа 2022 21:44
« РИҴАТӘИ АРЕЛИКТӘ МИЛАҬТӘ ПАРК АҾЫ АԤСЫӠ АКРА АЗЫ АҚӘИҬЫМТӘРА АЛАГАЛОУП. АЛАДА УРЫСТӘЫЛАТӘИ АРРАТӘ ОКРУГ АСАПИОРЦӘА АҞӘАТӘИ АҲАИРБАӶӘАЗА ИАХЬАҴАНАКУА АМИНАҚӘА РЫҴХРА МҨАԤЫРГОИТ. »
Хыхь