Асҭамыр Гамгьиа иҳаҩсыз амчыбжь азы Агәабзиарахьчара Аминистрра аҟнытә ахәышәтәырҭа арентгентә маруга шаиуз иҳәеит. Уи атест режим ала аусура иаларгоуп, ачымазараҭҵаарақәакгьы мҩаҧгоуп. Иара убас амедусҳәарҭа агриппи акоронавирустә ҿкы чымазара рзы авакцинақәа рыҵәахразы архьшәашәага камерақәа рыла еиқәдыршәеит. Гал араион ахәышәтәырҭа хадаҟны иҟаӡам аковидттә ҟәша, аха иаартуп ҽынлатәи астационар.
Аслан Бжьаниа даҭаан игәеиҭеит Аужьҭра-гәаҭаратә Ԥыҧшырҭа «Егры», иблала ибеит ари аҧыҧшырҭаҟны асанитар-медицинатә контроль шынарыгӡо.
Аҳәынҭқарра Ахада иара убас дахәаҧшит араион аҟны амашьына-технологиатә Станциа аус шауа. Аҧыза-министр актәи ихаҭыҧуаҩ, ақыҭанхамҩа аминистр Беслан Џьопуа иҳәеит ари астанциа ала амармалташьтә бжы ацәыхьчаразы ишыхәышәтәу 2 нызықь гекар инарзынаҧшуа арасаҭра. Иҷыдоу атехника аныҟәцаҩцәеи абылтәи рзы ауадаҩра шыҟам рҳәеит. Астанциа аҟны 18 цыра атехника хкы ыҟоуп.