Араион ахада ирезервтә фонд аҟынтәи араион ауааҧсыра ацхыраара рыҭара, атәылауааи аҳақьымцәеи Гәдоуҭатәи аковидттә хәышәтәырҭа ахь рыиагареи Аҧсны Аиааиреи Ахьыҧшымреи Рымшныҳәа азгәаҭара иазку аусмҩаҧгатәқәа реиҿкара,  ашколқәа рҿы акоронавирустә ҿкы чымазара алаҵәара аҿагылара иазку ауснагӡатәқәа рымҩаҧгара, уҳәа азы иазоужьуп 1 млн. 746 нызықь мааҭ.

Константин Ԥлиа иажәақәа рыла, араион аҿы аквартиратә фонд аинвентаризациа мҩаҧысуеит.

«Иаарҧшхеит иаҧшәымадоу аквартирақәа фба. Урҭ рахьынтә хҧа анхаразы ихәарҭам, егьырҭ хҧа рхархәаразы иҷыдоу Акоммиссиа аӡбамҭа аднакылараны иҟоуп», - ҳәа иҳәеит Константин Ԥлиа. 

Ҳазҭоу ашықәс 10-мыз рыла ашәҟәы иҭагалахеит 34 ацәгьоурақәа, урҭ рахьынтә иаартуп 33, урҭ рхыҧхьаӡараҿы иҟоуп: анапхыцәгьара иадҳәалоу ҩ-хҭыск, аӷьычра иадҳәалоу ҩ-хҭык, аҧстәбара зцу амҩатә машәыр иадҳәалоу хҭыск, иара убас  изакәанымкәа абџьар аикәыршара иадҳәалоу хҭыски анаркотикатәи арҩшьыгатәи амаҭәашьарқәа изакәанымкәа реикәыршара иадҳәалоу 8-хҭыски.

Гал араион 17 қыҭа рҿы хазхаҭалатәи ахаҿқәа рҟынтәи ахархәара зауз афымцамч ахәҧса аизгара 61% рҟынӡа инаӡеит. Гал ақалақь аҿы афымцамч азы ашәатәқәа аларгалеит: хазхаҭалатәи ахаҿқәа – 48%, аиуристтә хаҿқәа- 93%.

Афымцамч азы ахәҧса аизгара аизырҳара азы аусура иацҵахоит, ҳазҭоу ашықәс анҵәамҭазы аизгара апроцент еизҳахоит», -ҳәа иҳәеит араион ахада Константин Ԥлиа.

10-мыз рыла иаарҧшын идуу акриптофермақәа 6. Араҟа иқәыргыланы ирыман ззеиҧш хыҧхьаӡара 437 цыра рҟынӡа инарзынаҧшуа аппаратқәа. Урҭ зегьы афымцацәаҳәақәа рҟынтәи иаҿыхуп.