Аҟәа. Ԥхынҷкәынмза 1, 2021 шықәса. Аԥсныпресс. Ԥхынҷкәынмза 1 рзы имҩаԥысит Ареспубликатә уаажәларратә еидгылара «Белая Русь» ахантәаҩы Алеқсандр Шатькои Аԥсны Аҳәынҭқарра Ашәарҭадара Ахеилак амаӡанаҟәгаҩ ихаҭыԥуаҩ Даур Ақаҩбеи Аԥсны аҵарадырреи абызшәатә политикеи рминистр Инал Габлиеи реиԥылара.
Аиԥылара аҿы белоруссиатәи аган аидгылара «Белая Русь» аусура алацәажәара иазааҭгылеит.
Аиԥылара иалахәыз иара убас анаҩстәи аусеицура авариантқәа ирылацәажәеит.
Аиԥылара аихшьаалақәа рыла аҩҳәынҭқаррак рыуаажәларратә еилазаарақәа реизааигәатәра иазкны апроектқәа реицынагӡара азы «Белая Русь» апартиа «Единая Абхазия» рыбжьара аиқәшаҳаҭра рыбжьаҵара азы занаҵтәи аилацәажәара мҩаԥысит.