Ахәҭакахьала, Аԥсны иҟоу Еиду амилаҭқәа Реиҿкаара аҿиара Апрограмма (ПРООН) аофис аиҳабы инапынҵақәа назыгӡо Рафис Абазов иҿцәажәараан Аԥсны адәныҟатәи аусқәа рминистр Аԥсны ауааԥсыра рыбжьара асоциалтә зҵаара амҩаԥгара атема дазааҭгылеит.  Иарбоу азҵаара Аԥсны имҩаԥган рашәарамза инаркны нанҳәамза 2021 шықәса аҟынӡа. «Аԥсны Аҳәынҭқарра аҿы астатистикатә усура азы» Азакәан инақәыршәаны, аҳәынҭқарратә мчра аусбарҭақәа роуп асоциалтә зҵаара амҩаԥгара азин змоу.  Шәара шәеиҿкаара  уи аҩыза аусура амҩаԥгара азин амаӡам. Иара убас, ари аусура апрофилтә хылаԥшырҭа -  астатитстика азы Аҳәынҭқарратә Еилакы аҟынтәи акоординациа амазар ахәҭоуп», - ҳәа инаҵшьны иазгәеиҭеит аминистр.

Инал Арӡынба ари ихадоу акоординациатә усбарҭа аҳасабала Аԥсны адәныҟатәи аусқәа Рминистрреи иара убас апрокуратура Хадеи аҳәынҭқарратә шәарҭадара Амаҵзуреи изеиԥшу апозициа ауп ҳәа инаҵшьны иазгәеиҭеит. Инал Арӡынба иара убас COBERM  апроект анагӡара атемагьы дазааҭгылеит. «Ари зынагӡара алымшо проектуп, уи Аԥсны атәылауаа  рышьақәҟьара, аекпертцәеи аҿари рыҩаӡара аҿы ақырҭцәеи аԥсуаа рыбжьара адиалог абжьаҵара  иазырхоуп. Ари аҩыза апроект Аԥсны иахьаҵанакуа анагӡашьа амаӡам.  Еилышәкаарц сҭахуп уи, уаҳагьы уи аҩыза апроектқәа ҟамлароуп. Ҳара уи азы азин шәаҳҭаӡом», ҳәа инаҵшьны иазгәеиҭеит атәыла адәныҟатәи аусқәа рминистр Инал Арӡынба. Инал Арӡынба иара убас COBERM  апроект Қырҭтәыла анапхгара зӡыргара мҩаԥнаго ахықәкқәеи ахыдҵақәеи ирықәшәоит ҳәа иазгәеиҭеит.