Аҟәа. Ажьырныҳәамза 25, 2021 шықәса. Аԥсныпресс. Жәабранмза, 2022 шықәса рзы Ф.А. Искандер ихьӡ зху Аҳәынҭқарратә аурыс драматә театр аҿы ҳаамҭазтәи испаниатәи адраматург Ж. Гальсеран ипиеса ала аспектакль «Метод Грёнхольма» ақәыргылара азы аусура иалагоит. Абри азы адырра ҟанаҵоит Аҳәынҭқарратә аурыс драматә театр аофициалтә саит.
Аспектакль ақәыргыларазы ааԥхьара иҭоуп москватәи арежисиор қәыԥш, актиор Марк Вдовин. Уи Моссовет ахьӡ зху Москватәи атеатр арепертуартә спектакль, иара убас Москва ақалақь аҿы қәҿиарала имҩаԥысуа апроектқәа инапы рылакуп.
Аспектакль ажанр - апсихологиатә триллер. Афирма ду аҿы авакансиа бзиа заурц зҭаху ԥшьҩык аперсонажцәа иуадаҩу аԥышәарақәа ирхысуеит, урҭ рҟынтәи аӡәгьы дзыҩнам, инашаноу адкыларҭа ааныжьны дызцаӡом, арахь иаанхараны иҟоуп аӡәызаҵәык иоуп.
Аспектакль аҿы арольқәа нарыгӡоит Емиль Петров, Кирилл Шишкин, Марина Сичинааи Рубен Депелиани.
Апсихологиатә триллер «Метод Грёнхольма» аԥхьарбара 2022 шықәса хәажәкырамза анҵәамҭазы иазԥхьагәаҭоуп.