Шәара ахара иԥшуа, цәхьаҵрак ҟамҵакәа илышәхыз амҩа иану, ажәлар рыԥсҭазаара аиӷьтәра иазку акыр иуадаҩу аҳәынҭқарратә зҵаарақәа шәаны-изаны рызнеирала қәҿиарала рыӡбара зылшо политикуп.
Шәара шәнапхгарала Алада Уаԥстәыла жәларбжьаратәи аренаҿы иааннакыло аҭыԥ шьақәнарӷәӷәоит, аҳәаанырцәтәи аҳәынҭқаррақәа рыҟны аимадара аҳәаақәа рырҭбаарала.
Ҳаҭыр зқәу Анатоли Илиа-иԥа, сара ҳаиашьаратә ҳәынҭқаррақәа рыбжьара ишьақәгылаз жәларбжьаратәи аизыҟазаашьақәа, иара убас аԥсуа-ауаԥстә усеицзура арӷәӷәараҟны Шәара хаҭала шәлагала ахә ҳаракны исшьоит.
Аҵак ду змоу ари амш аҽны Аԥсны жәлар рыхьӡала, хаҭала сара сыхьӡала ишәзеиӷьасшьоит еицакра зқәым аԥсҭазааратә гәацԥыҳәара, аизҳазыӷьара, шәыгәҭакқәа зегьы рынагӡараҿы аихьӡара».