Аԥсны анаукақәа Ракадемиа аредакциа-ҭыжьратә ҟәшеи ажурналқәа аҩ-сериак рредакциатә коллегиеи анаҩстәи ажәаҩатәи аномер аиқәыршәара нап адыркит, ҳәа иаанацҳауеит Аԥсны анаукақәа Ракадемиа апресс-маҵзура.
«АԤСНЫ АНАУКАҚӘА РАКАДЕМИА АДЫРРАРБАГА” АҴАРАУАА РУСУМҬА ҾЫЦҚӘА РЫДГАЛАРА МҨАԤНАГОИТ.
Аҩаша, 15 Хәажәкыр 2022 10:41
185
Аҟәа. Хәажәкырамза 15, 2022 шықәса. Аԥсныпресс. Иҭыжьуп, Аԥсныҟагьы иаагоуп 2021 шықәсазы аԥснытәи аҵарауаа иаԥырҵаз аусумҭақәа знылаз ажурнал «Аԥсны анаукақәа Ракадемиа адыррарбага» №11 агуманитартәии анукатәии асериақәа.
Ажурнал асериа «Агуманитартә наукақәа» аҿы аԥхьаҩ изыԥшуп алингвистика, алитературадырра, афольклористика, аҭоурых, апедагогика, аетнологиа, аекономика иазку астатиақәа, даараӡа аинтерес зҵоу архивтә материалқәа, арецензиақәа, хәызмаӡам анҭыҵтәи анҵамҭақәа рышьаҭала иаԥҵоу апубликациақәа, уҳәа убас ирацәаны.
«Аԥсабарадырратә наукақәа» рсериа иалагалоуп аматематика, афизика, амедицина, аботаника, агрономиа, аекологиа, аенергетика, уҳәа рзы аматериалқәа. Икьыԥхьу аматериалқәа рӷьырак хадара злоу ахархәаратә ҵакы рымоуп.
«Аԥсны анаукақәа Ракадемиа адыррарбага» аматериалқәа зегьы рбара аԥхьаҩ илшоит Аԥсны анаукақәа Ракадемиа аофициалтә саит аҿы, араҟа аамҭа кьаҿ иалагӡаны ажурналқәа релектронтә версиа рыдгалахоит.