Поиск по слову

Календарь

« Абҵара 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
АЖӘАБЖЬҚӘА

АРДА АШӘБА АԤСНЫТӘИ АГУМАНИТАРТӘ ҬҴААРАҚӘА РИНСТИТУТ АДИРЕКТОРС ДЕИҬАЛХУП.

Аԥшьаша, 17 Хәажәкыр 2022 16:08 769

Аҟәа. Хәажәкырамза 17, 2022 шықәса. Аԥсныпресс. Афилалогиатә наукақәа ркандидат, ААУ адоцент Арда Ашәба Д.И. Гәлиа ихьӡ зху Аԥснытәи агуманитартә ҭҵаарақәа Ринститут адиректорс деиҭалхуп.

Азеиԥш еизара алагаанӡа аҵарауаа минуҭктәи аҿымҭрала зыԥсҭазаара иалҵыз рколлегацәа ргәаладыршәеит.

Аинститут адиректор иалхра Арда Ашәба ари амаҵураҭыԥ аҿы иҟазаара иазыԥҵәоу аҽҳәара анҵәара инамаданы иазԥхьагәаҭахеит.

Аизара ахантәаҩыс далхын алингвист, афилологиатә наукақәа ркандидат Лили Ҳагба, аизара амаӡаныҟәгаҩыс  -  академик, апоет, аиҭагаҩ Владимир Занҭариа.

Арда Ашәба Аинститут аҵарауаа реилазаареи аколлективи рҿаԥхьа 5 шықәса ирылагӡаны имҩаԥгаз аусура азы ажәахә ҟаиҵеит.

Аинститут адиректор имаҵураҭыԥ ахь Арда Ашәба икандтидатура заҵәык ауп иқәыргылаз.

Имаӡоу абжьыҭирала, 85 – ҩык Арда Ашәба адиректорс иалхра азы рыбжьы арҭеит, 9 – ҩык «мап» ркит.  

*** Арда Енвер-иԥа Ашәба  диит 1971 шықәса рзы Очамчыра араион Ӷәада ақыҭан.

1996 шықәсазы Аԥснытәи Аҳәынҭқарратә Университет афилологиатә факультет далгеит.

1999-2002 шш. – Адыгатәи аҳәынҭқарратә Университет  аспирант.

2005 шықәсазы афилологиатә наукақәа ркандидат ҳәа аҭҵаарадырратә ҩаӡара аиуразы «Афольклор аԥсуа проза аеволиуциеи ашьақәгылареи рзы асахьаркыра-еилазааратә фактор аҳасабала» атемала адиссертациа ихьчеит.

2003 – 2004 шш. Аԥсуа бызшәа аҿиара азы Аҳәынҭқарратә фонд напхгара аиҭон.

2005 – 2011 шш. Аԥснытәи агуманитартә ҭҵаарақәа Ринститут афольклор алабораториа аиҳабыс аус иуан.

2011 – 2012 шықәсқәа рзы – Аԥсны Аҳәынҭқарра аҵара аминистр ихаҭысԥуаҩыс аус иуан.  

2015 – 2017шш. Арда Ашәба ААУ афилологиатә факультет адекан имаҵураҭыԥ ааникылон.

2017 шықәсазы Арда Ашәба Аԥснытәи агуманитартә ҭҵаарақәа Ринститут адиректорс далхын.

2005 шықәсазы ААУ аԥсуа литература акафедра аҿы алекциақәа дрыԥхьон. Последнее изменение Четверг, 17 марта 2022 16:28.

 

Источник: https://apsnypress.info/ru/item/7173-arda-ashuba-vnov-izbran-direktorom-abigi.

© АПСНЫПРЕСС.

Last modified on Аԥшьаша, 17 Хәажәкыр 2022 19:06
« АЛЕҚСЕИ ДВИНИАНИН АԤСНЫ ИҞОУ УРЫСТӘЫЛАТӘИ АФЕДЕРАЦИА АЦҲАРАЖӘҲӘАҨ ИМАҴУРАҬЫԤ АҞЫНТӘИ ИХЫ ДАҚӘИҬТӘУП. АМИНИСТРЦӘА РЕИЛАЗААРА АҾЫ АВТОМҨАТӘ НЫҞӘАРА АИҾКААРА ИАДҲӘАЛОУ АПРОБЛЕМАҚӘА ИРЫЛАЦӘАЖӘЕИТ. »
Хыхь