Аҟәа. Цәыббрамза 14. Аҧсныпресс.  Наталиа Симониа цәыббрамза 10-13 рзы аҿыбҕаҟазаратә клуб “Отрада” аҿы имҩаҧысуаз Гран-при амаршрут  ала 135 см рҟынӡа инаӡоз аҧынгылақәа рхыҧара (конкур) азы Урыстәылазегьтәи аицлабрақәа рҿы актәии аҩбатәии аҭыҧқәа аанылкылеит, ҳәа адырра ҟанаҵоит Аҧсны аспорт азы аҳәынҭқарратә Еилакы апресс-маҵзура.

Амаршрут ашьҭахь аҽыбҕаҟазаҩ аицлабра рысхема акыр имариамызт ҳәа иазгәалҭеит.

Аҿари аспорти рызҵаарақәа рзы аҳәынҭқарратә Еилакы ахантәаҩы Џьемал Гәыбаз аспортсменка илгаз аиааира лыдиныҳәалеит, лаҧхьаҟагьы  ақәҿиарақәа лзеиҕьаишьеит.