Аусмҩаԥгатә ахь аизара аамҭа 9:30 рзы! Излауа ала атерриториа арыцқьара азы иахәҭоу аинвентарь рыцзар бзиоуп», - ҳәа аҳәара ҟанаҵоит акультура Аминистрра.
АКУЛЬТУРА АМИНИСТРРА АУААԤСЫРА РАХЬ ААԤХЬАРА ҞАНАҴОИТ АМИЛАҬТӘ САХЬАТӘ ГАЛЕРЕИА ИАХЬАҴАНАКУА АИЛЫРГАРАТӘ УСМҨАԤГАТӘ РХЫ АЛАДЫРХӘЫРЦ.
Аԥшьаша, 28 Мшаҧы 2022 21:21
302
Аҟәа. Мшаԥымза 28, 2022 шықәса. Аԥсныпресс. Мшаԥымза 30 рзы акультура Аминистрра Аҟәа ақалақь Пушкин имҩаду аҩ.№ 8 ала иҟоу Амилаҭтә асахьатә галереиа ахыбраҿы аилыргаратә усмҩаԥгатә мҩаԥнагоит.
Акультура Аминистрра ауааԥсыра рахь ааԥхьара ҟанаҵоит архитектуратә баҟа иахьаҵанакуа аилыргара иазкны имҩаԥгахо аусмҩаԥгатә рхы аладырхәырц.
«Ари акциа – агалереиа ахыбра аҿы аиҭашьақәыргыларатә усурақәа ралагара апроцесс арццакра азы акыр зҵазкуа етапны иҟоуп. Агәыӷра ҳамоуп, ари аԥшьгара арҿиаратә коллективқәа, акультура аусзуҩцәа, иара ауааԥсыра рганхьала адгылара аиуп ҳәа.