Поиск по слову

Календарь

« Абҵара 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
АЖӘАБЖЬҚӘА

АҲӘЫНҬҚАРРА АХАДА АФЫМЦАМЧИ ИЗАКӘАНЫМКӘА АКРИПТОВАЛИУТА АРҲАРЕИ РЫЗҴААРАҚӘА ИРЫЗКЫЗ АИЛАЦӘАЖӘАРА МҨАԤИГЕИТ.

Аԥшьаша, 12 Лаҵара 2022 10:15 187

Аҟәа. Лаҵарамза 12, 2022 шықәса. Аԥсныпресс.  Аԥсны Аҳәынҭқарра Ахада Аслан Бжьаниа афымцамчи изакәанымкәа акриптовалиута арҳареи рызҵаарақәа ирызкыз аилацәажәара мҩаԥигеит.

Аиԥылара аартуа, Аҳәынҭқарра Ахада инаҵшьны иазгәеиҭеит афымцамч амыцхәныхра шыҟац иҟоуп ҳәа. Ари зыхҟьо амзызқәа ируакны ишыҟоу акриптовалиута арҳара аҿагыларазы араионқәеи ақалақьқәеи, егьырҭ аусбарҭақәеи рхадацәа рганахьала аусура ишахәҭоу иахьымҩаԥымсуа шакәу.

Акриптовалиута арҳара инамаданы ацәгьоура афакт аҵыхәтәантәи аамҭазы иаарԥшын Бедиа ақыҭан. ААР аекономикатә шәарҭадареи акоррупциа аҿагылареи  рзы Аусбарҭа аусзуҩцәа Иҷыдоу аотриад алархәны илырхит 320 аппарат, иара аферма афымца иаҿыхын, амыруга еимыхын.

Аҳәынҭқарра Ахада Аслан Бжьаниа аԥыза-министр Алеқсандр Анқәаби Аҳәынҭқарра Ахада Иусбарҭа анапхгаҩы Алхас Кәыҵниеи изыхәҭоу аусбарҭақәа рнапхгаҩцәа рахьырхәра аҳәаа шьақәыргыланы алеишәатә ҟазшьа змоу азыӡба рыдыркыларц азы анапынҵа риҭеит.

Амаининг аҿагылара иазкыз аилацәажәара иалахәын иара убас Аҳәынҭқарра Ахада Ихаҭыԥуаҩ  Бадра Гәынба, аԥыза-министр Алеқсандр Анқәаб, Жәлар Реизара-Апарламент аиҳабы Лаша Ашәба, апрокурор Хада Адгәыр Агрба, Аҳәынҭақрра Ахада Иусбарҭа анапхгаҩы Алхас Кәыҵниа, Ашәарҭадара Ахеилак Амаӡаныҟәгаҩ Сергеи Шамба, амчратә усбарҭақәа рнапхгаҩцәа, Ҭҟәарчал араион  Администрациа ахада Исидор Дочиа, Аҳәынҭқарратә Еилазаара “Амшынеиқәафымцамч» адиректор хада Ҭенгиз Гырџьынба.

 

 

Last modified on Амҽыша, 22 Лаҵара 2022 15:18
« ЛАҴАРАМЗА 14 РЗЫ АԤСНЫТӘИ АҲӘЫНҬҚАРРАТӘ ФИЛАРМОНИА АҾЫ ИМҨАԤЫСРАНЫ ИҞОУП ЖӘЛАРБЖЬАРАТӘИ АҾАРТӘ ВИДЕОФЕСТИВАЛЬ «МОЯ РОДИНКА» АФИНАЛ. АԤСНЫ ЖӘЛАР РЕИЗАРА - АПАРАЛАМЕНТ АДЕПУТАТЦӘА АХӘЫҶЫ ИЗИНҚӘА РЫХЬЧАРАЗЫ АЗИНМЧЫ ЗМОУ МАКТИНА ЏЬЫНЏЬАЛԤҲА ЛУСУРАҾЫ АЦХЫРААРА ШЛЫҬАХО АЗЫ АЖӘА ЛЫРҬЕИТ. »
Хыхь