Иаанкылаз иганахьала анаҩс имҩаԥгаз аоператив-ԥшааратә уснагӡатәқәа раан, Карим Саидов уи уаанӡа иҟаиҵахьаз «аҭаҵәахқәа» рҭыԥ аирбеит, араҟа ицәырган даҽа ҩ-еилаҳәарак.
Карим Саидов иҟаиҵаз адыррақәа рыла, «аҭаҵәахқәа» ахьыҟоу аҭыԥқәа зныз афотосахьақәа амобилтә еимадарала уи «адиспетчер» ҳәа изышьҭоу иахь идәықәиҵон, анаҩс уи азы аԥаратә хархәагақәа иоуан, ҭыԥк азы уи ахәԥса 600 мааҭ рҟынӡа инаӡон. Ианкылаз аамҭала дахьынхо аҭыԥ аҿы иԥшаан даҽа 26 еилаҳәарак, урҭ Карим Саидов рыҭира дахьымӡаӡеит.
Карим Саидов имхыз анаркотикатә маҭәашьар «метадон» акапан азеиԥш шәагаа 16 грамм аҟынӡа инаӡоит. Карим Саидов иганахьала Аԥсны Ашьаустә Закәанеидкыла ахәҭаҷ 224 ахәҭа 3 инақәыршәаны аусеилыргара хацыркуп.
Игәҩароу Карим Саидов анаркотикатә маҭәашьарқәа изакәанымкәа раахәара, рыҵәахра, рыиагара, аҭиаразы рыҵәахра, ахәҭакахьала зыкапан ҷыдала идуу анаркотикатә маҭәашьарқәа рыҭира азы аара идҵоуп. Аусеилыргара мҩаԥнагоит Аԥсны аҩныҵҟатәи аусқәа Рминистрра аусеилыргаратә ҟәша.