Ахҭыс азы адырра иҷыдоу аҭагылазаашьақәа рзы Аминистрра ахь иҟалеит 04 сааҭки 16 минуҭи рзы. Амцарцәаҩцәа ирылшоз зегьы шыҟарҵазгьы, рҽазышәарақәа лҵшәадахеит, аҩны блит. Ааха аӡәгьы имоуӡеит.
Аҟәа. Жьҭаарамза 5, 2021 шықәса. Аԥсныпресс. Гал ақалақь, Ломоносов имҩаду ала игылоу ҩ-еихагыларакны иҟоу ахатәы ҩны амца акит, ҳәа адырра ҟанаҵоит Аԥсны иҷыдоу аҭагылазаашьақәа рзы Аминистрра апресс-маҵзура.