Поиск по слову

Календарь

« Жьҭаара 2024 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
АЖӘАБЖЬҚӘА

9 МЫЗ РЫЛА АҲАЗЫЛХРАТӘ ЛАГАЛАҚӘА РАҲАСАБАЛА АҲӘЫНҬҚАРРАТӘ БИУЏЬЕҬ ИАЛАЛЕИТ 2 336,7 МИЛЛИОН МААҬ.

Ахәаша, 08 Жьҭаара 2021 16:08 302

Аҟәа. Жьҭаарамза 8, 2021 шықәса. Аԥсныпресс. Аԥсны ашәахтәқәеи аизгатәқәеи рзы Аминистрреи Аҟәа ақалақьи араионқәеи рыла Аинспекциеи русура аихшьаалақәа рыла, 2021 шықәса, жәымз ирылагӡаны планла ишьақәыргылоу 1 969,3 млн. мааҭ раан аҳазылхратә лагалақәа раҳасабала фактла аҳәынҭқарратә биуџьеҭ иалагалахеит 2 336,7 млн. мааҭ.  Аплан анагӡара 119% рҟынӡв инаӡоит. Фактла иалагалахаз ашәахтә лагалақәа реицҵалыҵи ишьақәыргылаз аплан иарбаз аицҵалыҵи реивгара 367,4 млн. мааҭ рҟынӡа инаӡоит.  2020 шықәсазы аиԥш-зеиԥшу аамҭахәҭа иаҿырԥшны уахәаԥшуазар, алагалара адинамика 144 % рҟынӡа инаӡеит, уи иааизакны 709,6 млн. мааҭ рҟынӡа инаӡоит. Араионқәа рыла ашәахтә лагалақәа раҳасабала 2021 шықәса жәымз ирылагӡаны аҳәынҭқарратә биуџьеҭ иалагалаз аԥаратә хархәагақәа реицҵалыҵ наӡоит:

Аҟәа ақалақь ала – планла ишьақәыргылоу 1 097,5 млн. мааҭ раан фактла иалагалахаз аԥаратә хархәагақәа реицҵалыҵ 1 212,8 млн. мааҭ рҟынӡа инаӡоит. Анагӡара 111 % рҟынӡа инаӡеит.

Гагра араион ала – планла ишьақәыргылоу 459,8 млн. мааҭ раан фактла иалагалахаз аԥаратә хархәагақәа реицҵалыҵ 589,3 млн. мааҭ рҟынӡа инаӡоит.   Анагӡара 128 % рҟынӡа инаӡеит.

Гәдоуҭа араион ала – планла ишьақәыргылоу 141,7 млн. мааҭ раан фактла иалагалахаз аԥаратә хархәагақәа реицҵалыҵ 216,7 млн. мааҭ рҟынӡа инаӡоит.   Анагӡара 153 % рҟынӡа инаӡеит.

Аҟәа араион ала – планла ишьақәыргылоу 75,6 млн. мааҭ раан фактла иалагалахаз аԥаратә хархәагақәа реицҵалыҵ 120,6 млн. мааҭ рҟынӡа инаӡоит.   Анагӡара 159 % рҟынӡа инаӡеит.

Гәылрыԥшьтәи араион ала – планла ишьақәыргылоу 40,1 млн. мааҭ раан фактла иалагалахаз аԥаратә хархәагақәа реицҵалыҵ 56,9 млн. мааҭ рҟынӡа инаӡоит.   Анагӡара 142 % рҟынӡа инаӡеит.

Очамчыра араион ала – планла ишьақәыргылоу 109,5 млн. мааҭ раан фактла иалагалахаз аԥаратә хархәагақәа реицҵалыҵ 89,9 млн. мааҭ рҟынӡа инаӡоит.   Анагӡара 82 % рҟынӡа инаӡеит.

Ҭҟәарчал араион ала – планла ишьақәыргылоу 14,9 млн. мааҭ  раан фактла иалагалахаз аԥаратә хархәагақәа реицҵалыҵ 16,3 млн. рҟынӡа инаӡоит.    Анагӡара 110 %  рҟынӡа инаӡеит.

Гал араион ала – планла ишьақәыргылоу 30,1 млн. мааҭ раан фактла иалагалахаз аԥаратә хархәагақәа реицҵалыҵ 34,1 млн. мааҭ рҟынӡа инаӡоит. Анагӡара  113 % рҟынӡа инаӡоит.

Аԥсны ашәахтәқәеи аизгатәқәеи рзы Аминистрра аусура иалҵшәаны ҳазҭоу ашықәс цәыббрамзазы – планла ишьақәыргылоу 329,2 млн. мааҭ раан фактла аҳәынҭқарратә биуџьеҭ иалагалаз аԥаратә хархәагақәа реицҵалыҵ 377,0 млн. мааҭ рҟынӡа инаӡеит. Ԥхынгәымза 2021 шықәсазы ишьақәыргылаз аплан анагӡара – 115% рҟынӡа инаӡоит.

 

Last modified on Ахәаша, 08 Жьҭаара 2021 16:11
« АСЛАН БЖЬАНИА АУСУРАТӘ ВИЗИТЛА МОСКВА АҚАЛАҚЬ АҾЫ ДЫҞОУП. АԤСНЫ АԤСАБАРАХЬЧАРАТӘ ПРОКУРАТУРА АГӘАҬАРАҚӘА МҨАԤНАГЕИТ. »
Хыхь