Имҩаԥгоуп иара убас аминералтә ӡқәеи аӡрыжәтәи реихтара азы анаплакқәа рҿы иҟоу аҭагылазаашьа, асанитартә нормақәа рынагӡара, иара убас иарбоу анаплакқәа ралыҵ аҳәынҭқарратә стандарт ишрықәшәо агәаҭара.
Уи алҵшәақәа рыла, Гагра, Гәдоуҭа, Гәылрыԥшь, Ҭҟәарал араионқәеи Аҟәа ақалақьи рҿы аус зуа асанитартә епидемиологиатә Станциақәа рҳақьым хадацәа «Аԥсны Аҳәынҭқарра ауааԥсыра рсанитар-епидемиологиатә еизҳазыӷьара иазку аусхкы аҿы азакәанԥҵара аилагара азы» адырранҵа рзынашьҭуп.
Аҳәынҭқарратә наукатә усбарҭа «Аԥсны Анаукақәа Ракадемиа аботаника Аинститу» аусура анагӡараан Аԥсны аԥсабарахьчаратәи егьи азакәанԥҵареи ишақәныҟәо азы агәаҭара алҵшәақәа рыла, убасҵәҟьа Аинститут адиректор ихьӡала «Аԥсны Аҳәынҭқарра аԥсабарахьчаратәии асанитар-епидемиологиатәи азакәанԥҵара аилагара азы» Азԥхьанагара нашьҭуп.