Аҧсны амузыкатә ҟазара аҿиараҟны ллагамҭазы «Аҧсны Аҳәынҭқарра зҽаҧсазтәыз артист» ҳәа аҳаҭыртә хьӡы лыхҵоуп  ЏЬЕНИА  Есма Виктор-иҧҳа – Р.Џь. Гәынба ихьӡ зху Аҧснытәи аҳәынҭқарратә филармониа асахьаркыратә напхгаҩы;    

«Арҵаҩратә усураҟны, изызҳауа абиҧарақәа аҵара дырҵараҟны, рааӡараҟны рылшамҭақәа рзы «Аҧсны Аҳәынҭқарра зҽаҧсазтәыз арҵаҩы» ҳәа аҳаҭыртә хьӡы рыхҵоуп АШӘБА Белла Платон-иҧҳа – С.П.Басариа ихьӡ зху Очамчыратәи ашкол-интернат адиректор, ДОЧИА Наҭелла Павел-иҧҳа – Аҟәа ақалақь абжьаратәи ашкол №15 англыз бызшәа арҵаҩы;

«Аҵараиура асистема аҟны шықәсырацәалатәи иџьазы, изызҳауа абиҧарақәа аҵара дырҵараҟны, рааӡараҟны илагамҭазы  «Ахьӡ-Аҧша аорден III аҩаӡара ианашьоуп  БЖЬАНИА Владимир Тышь-иҧа».