Поиск по слову

Календарь

« Абҵара 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
АЖӘАБЖЬҚӘА

АҴАРА АМИНИСТРРА АРҴАГАШӘҞӘҚӘА РПАРТИА ҾЫЦ АРАИОНҚӘА РАХЬ ИДӘЫҚӘНАҴЕИТ.

Ахаша, 17 Абҵара 2021 16:25 148
АҴАРА АМИНИСТРРА АРҴАГАШӘҞӘҚӘА РПАРТИА ҾЫЦ АРАИОНҚӘА РАХЬ ИДӘЫҚӘНАҴЕИТ.

Аҟәа. Абҵарамза 17, 2021 шықәса. Аҧсныпресс.  Аҧсны аҵарадырреи абызшәатә политикеи Рминистрра араионтә ҵараҟәшақәеи, иара убас ашкол-интернатқәеи рахь арҵагашәҟәқәеи аусутә тетрадқәеи аҩбатәи апартиа дәықәнаҵеит. Абри азы Аҧсныпрес акорреспондент диҿцәажәо адырра ҟаиҵеит Аҵареи абызшәатә политикеи Рминистрра апресс-маҵзура аиҳабы Аслан Кәыҭелиа.

«Араионқәа зегьы рҟынтәи иааит араионтә ҵараҟәшақәа рхаҭарнакцәа, ҳара урҭ ирҭахыз арҵагашәҟәқәа раҳҭеит, Аминистрра урҭ ирзоунажьит ааигәа иҭыжьыз иаҧсыуам ашколқәа аҩбатәи аклассқәа рзы арҵагатә цхыраагӡа «Еицаҳҵап зегьы аҧсуа бызшәа», иара убас уи иацу аусутә тетрадқәа ҩба. Арҵагатә цхыраагӡа автор – аҵареи абызшәатә политикеи рминистр актәи ихаҭыҧуаҩ Ада Кәарҷелиа», - ҳәа иҳәеит Аслан Кәыҭелиа.  

Зынӡа ашәҟәы ҿыц аҧышәабареи аилкаареи рзы араионқәа ирзоужьхеит ашәҟәы ҿыц 600 инарзынаҧшуа аекземплиар.  Араионқәа ирзоужьу арҵагатә литература ахыҧхьаӡараҿы иҟоуп ахҧатәи акласс азы аҵаратә маҭәар «Иааҳакәыршаны иҟоу адунеи» азы аусуратә тетрадқәа, ашәҟәы «Анбан» азы аиашаҩырақәа. Уи ахыҧхьаӡара зынӡа 3 нызықь цыра рҟынӡа инаӡоит. 

Аслан Кәыҭелиа иажәақәа рыла, аҵареи абызшәатә политикеи Рминистрра аринахысгьы ашколқәа рҵаратә фондқәа рырҿыцра иазку аусура нанагӡалоит.

«Арҵагатә литература аҭыжьра анаҩсгьы афондқәа инацҵаны аус рыдулареи рырҿыцреи иазырхоу аусура мҩаҧысуеит. Ҳара ҳминистрра аҟны ашәҟәҭыжьырҭатә усбарҭа аус ауеит. Уи арҵагатә литература аҧҵареи арҿыцреи иазку аусура нанагӡоит. Ҳара арҵага шәҟәқәа рыдагьы, арҵаҩцәа рзы аметодикатә литературагьы рыҭара мҩаҧаагалоит», - ҳәа иҳәеит иара.

 

 

Last modified on Ашәахьа, 03 Ажьырныҳәа 2022 17:14
« АКОНСТИТУЦИАТӘ ЕИҬАКРАЗЫ АКОМИССИА АИЛАТӘАРАҾЫ АКОНСТИТУЦИА 3-ТӘИ 4-ТӘИ АХКҚӘА РЫҞНЫ АКОНСТИТУЦИАТӘ РҼЕИРАҚӘА РАЛАГАЛАРА ИАЛАЦӘАЖӘЕИТ. АԤСНЫ АКУЛЬТУРА АМИНИСТР ГӘЫДИСА АГРБА АНӠОР МЫҚӘБА ИИУБИЛЕИ ИДИНЫҲӘАЛЕИТ. »
Хыхь