Аҳәынҭқарратә ахьчара Амаҵзура уаанӡа иахагылаз аинрал-маиор Зураб Занҭариа иааникалоз амаҵураҭыҧ аҟынтәи ихы дақәиҭтәны аҩныҵҟатәи аусқәа русбарҭақәа рахь ииасра инамаданы ҽҳәараанӡа арратә маҵзура аҟынтәи ҧхьатәара дышьҭуп.
ДМИТРИ ДБАР АҨНЫҴҞАТӘИ АУСҚӘА РМИНИСТР ИМАҴУРАҬЫԤ АҞЫНТӘИ ИХЫ ДАҚӘИҬТӘНЫ АҲӘЫНҬҚАРРАТӘ ХЬЧАРА АМАҴЗУРА АИҲАБЫС ДҞАҴОУП.
Аԥшьаша, 02 Ԥхынкәын 2021 16:48
165
Аҟәа. Ԥхынҷкәынмза 2, 2021 шықәса. Аҧсныпресс. Аҧсны Аҳәынҭқарра Ахада Аслан Бжьаниа иҭижьыз Аусҧҟа инақәыршәаны, Дмитри Дбар аҩныҵҟатәи аусқәа рминистр имаҵураҭыҧ аҟынтәи ихы дақәиҭтәуп. Аамҭала аҩныҵҟатәи аусқәа рминистр инапынҵақәа наигӡалоит аминистр актәи ихаҭыҧуаҩ Ажьиба Руслан Алеқсандр-иҧа.
Егьи Ақәҵарала Дбар Дмитри Сергеи-иҧа аҳәынҭқарратә ахьчара Амаҵзура аиҳабыс дҟаҵоуп. Амилициа аполковник ҳәа ахьӡ занашьаз Дмитри Дбар арратә полковник ҳәа ахьӡ ианашьоуп.