Абар шьҭа ҧшьсаҭк инарзынаҧшуа амитинг ахь иааз ауаа Анапхгаратә хыбрақәа ркомплекс аҿаҧхьа игылоуп, урҭ  Апарламент аҩналарагьы изныкымкәа  рҽазыркхьеит. Ахәылбыҽха, асааҭ жәба рыбжа инарзынаҧшуа азинхьчаратә усбарҭақәа русзуҩцәа амитингуаа Апарламент ашҭа аҟынтәи Лакоба имҩаду ахь рыҧхьацара азы аҽазышәарақәа мҩаҧыргеит. Амитинг аҭыхра аан Аҧсуа телехәаҧшра аҭыхратә гәыҧ ааха аиуит. Амашьына арныҟәцаҩи аоператори ахәахәа-чахәарақәа роуит. Ателехәаҧшра акорреспондет акшара дацәцеит, аха аоператорцәа руаӡәк  ивидеокамера имхны иҧырҽит.