Адепутатрахь акандидатцәа рышәҟәҭагалара азы адыррақәа ркьыԥхьра ҟалароуп ашәҟәҭагалара ашьҭахь ԥшьымш иахымгакәа.

Алхыҩцәа абжьыҭира аамҭеи аҭыԥи рзы адыррақәа рыҭара - алхрақәа рымҩаԥгара аҟынӡа 10 – мыш еиҵамкәа.  (2022 шықәса, хәажәкырамза 2 инаркны).

Алхыҩцәа рсиа азеиԥшдырра азы рыдгалара – алхрақәа рымҩаԥгара амш аҟынӡа  10-мыш еиҵамкәа (2022 шықәса, хәажәкырамза 2 иахымгакәа).

Аокругқәа рҿы иҟоу акомиссиақәеи аучасткақәа рҿы иҟоу акомиссиақәеи алхратә биуллетеньқәа рыла реиқәыршәара – алхрақәа рҟынӡа мышкы-ҩымш шыбжьоу.

Аԥсны Жәлар Реизара-Апарламент адепутатцәа ралхра амш аҽны абжьыҭира амҩаԥгара -  2022 шықәса, хәажәкырамза 12 рзы, асааҭ  08:00 инаркны 20:00 аҟынӡа.

Алхратә ҭыԥхадақәа рҟынтәи абжьыҭира алҵшәақәа рзы апкаанҵақәа аокругтә алхратә комиссиақәа рахь рынашьҭра – 2022 шықәса, хәажәкырамза 12-13 иахымгакәа. 

Аокругтә алхратә комиссиақәа рҟынтәи апкаанҵақәа алхратә Комиссиа Хада ахь рынашьҭра – алхрақәа рышьҭахь ҩымш иахымгакәа.

Заанаҵтәи алҵшәақәа рзы адыррақәа рыҟаҵара – 2022 шықәса, хәажәкырамза 13 рзы.

Иалху адепутатцәа рышәҟәҭагалара – 7-мшы ирхымгакәа.

Алхрақәа рылҵшәақәа рзы адыррақәеи Жәлар Реизара-Апарламент ахь  иалху адепутатцәа рсиақәеи ркьыԥхьра – 7-мшы ирхымгакәа. 

Аиҭалхрақәа рымҩаԥгара – 14 –мшы ирхымгакәа. ***

Аԥсны Аҳәынҭқарра Аконституциа ахәҭаҷ 53, апункт 15, иара убас «Аԥсны Аҳәынҭқарра Жәлар Реизара-Апарламент адепутатцәа ралхра азы» Аԥсны Аҳәынҭқарра Аконституциатә закәан ахәҭаҷ 7 инарықәыршәаны, Аԥсны Аҳәынҭқарра Ахада Аслан Бжьаниа ԥхынҷкәынмза 13, 2021 шықәса рзы Аԥсны Аҳәынҭқарра Жәлар Реизара-Апарламент ахь алхрақәа рымҩаԥгара арыцхә ашьақәырӷәӷәара азы Аусԥҟа инапы аҵаиҩит, ҳәа адырра ҟанаҵоит Аҳәынҭқарра Ахада ипресс-маҵзура.

Аԥсны Жәлар Реизара-Апарламент ахь алхрақәа мҩаԥысраны иҟоуп хәажәкырамза 12, 2022 шықәса рзы.