Аҟәа. Хәажәкырамза 15, 2022 шықәса. Аԥсныпресс. Иахьа иира Амш азгәеиҭоит Аԥсны Ашәарҭадара Ахеилак Амаӡаныҟәгаҩ Сергеи Шамба. Сергеи Мирон-иԥа Шамба Иира Амш идырныҳәалеит Урыстәылатәи Афедерациа Ашәарҭадара Ахеилак Амаӡаныҟәгаҩ Николаи Патрушеви Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыԥуаҩ Рашид Нургалиеви.
«Ҳаҭыр зқәу Сергеи Мирон-иԥа! Гәык-ԥсык ала ишәыдысныҳәалоит Шәира Амш. Гәыкала ишәзеиҕьасшьар сҭахуп агәамч, Аԥсны Аҳәынҭқарра ахьӡала имҩаԥыжәго шәусураҟны аихьӡарақәа. Агәабзиара, анасыԥ, ахирра рыдыскылоит ишәзааигәоу ауаа, шәҭынхацәа», - ҳәа изгәаҭоуп Николаи Патрушев идныҳәалара аҿы.
Рашид Нургалиев иҟаиҵаз адныҳәалараҿы ахәҭакахьала иазгәаҭоуп: «Ҳаҭыр зқәу Сергеи Мирон-иԥа! Шәирамш инамаданы ишәыдышәкыл гәык-ԥсык ала иҟасҵо адныҳәалара.
Агәра згоит, Урыстәылатәи Афедерациеи Аԥсны Аҳәынҭқарреи традициала ирыбжьоу аиҩызара аԥхьаҟагьы ишацҵахо аурыс жәлари аԥсуа жәлари ринтересқәа инарықәыршәаны.
Ишәзеиӷьасшьоит агәабзиара, арҿиаратә гәамч, аҳәынҭқарратә маҵзураҿы аихьӡарақәа».