Поиск по слову

Календарь

« Абҵара 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
АЖӘАБЖЬҚӘА

ЛАҴАРАМЗА 1 АЗЫ КӘТОЛ АҚЫҬАН АҼЫРЫҨРАТӘ СЕЗОН ААРТРА МҨАԤЫСУЕИТ.

Ахәаша, 29 Мшаҧы 2022 11:34 304
ЛАҴАРАМЗА 1 АЗЫ КӘТОЛ АҚЫҬАН АҼЫРЫҨРАТӘ СЕЗОН ААРТРА МҨАԤЫСУЕИТ.

Аҟәа. Мшаԥымза 29, 2022 шықәса. Аԥсныпресс.  Лаҵарамза 1 азы Очамчыра араион Кәтол ақыҭан Ааԥынреи Аџьеи рныҳәамш иазкны аҽырыҩратә сезон аартра мҩаԥысраны иҟоуп, ҳәа адырра ҟанаҵоит аҿари аспорти русқәа рзы аҳәынҭқарратә Еилакы.

Аконкур азы арбаратә қәгыларақәа рыла атурнир аадыртуеит аҽыбӷаҟазаратә спорт азҟазацәа.

Аныҳәамш апрограмма ала иазԥхьагәаҭоуп 1941-1945 шш. Аџьынџьтәылатәи еибашьра Дуӡӡеи  1992-1993 шш. Аԥсны Аџьынџьтәылатәи еибашьреи рҿы иҭахази аҽыҩӷаҟазаҩ   Даур Ачбеи ргәалашәара иазкны 1400, 1800, 2000 метра аҟынӡа аҽырҩрақәа.

Аҽырыҩрақәа рнаҩс, аҽыбӷаҟазацәа аҽыбӷаҟазара-спорттә еицлабрақәа рҿы рҟазара аадырԥшраны иҟоуп.

Аҽыбӷаҟазаратә шьапылампыл аҿы аицлабрақәа рызкхоит аспорт азҟазацәа, аишьцәа Алхаси Гарики Ԥалаванӡиақәа, аԥса аршәра аҿы аицлабрақәа –  зыԥсҭазаара иалҵхьоу аспортсменцәа ргәалашәара иазкхоит. 

Аусмҩаԥгатә алагоит асааҭ 11:00 рзы. 

Аицлабрақәа рхы аладырхәуеит Гәылрыԥшь, Аҟәа, Очамчыра араионқәа рҟынтәи акомандақәа.  

Атурнир Очамчыра араион Ахадара, аҿари аспорти русқәа рзы аҳәынҭқарратә Еилакы, амобилтә еимадара аилазаара «А-Мобаил», аԥсуа-база жәлар Адунеизегьтәи аконгресс ацхыраарала имҩаԥысуеит.

 

 

Last modified on Ашәахьа, 02 Лаҵара 2022 16:24
« АРЕСПУБЛИКАТӘ ААԤХЬАРАТӘ КОМИССИА АԤҴОУП. ТАМШЬ АҚЫҬАН ИҞАЛАЗ АҚӘЫЛАРЕИ АУАҨШЬРЕИ РЗЫ АШЬАУӶАТӘ УСЕИЛЫРГАРА ХАЦЫРКУП. »
Хыхь